Адпраўленні “1 клас”

Адпраўленні “1 клас”

Адпраўленні "1 клас" — гэта ўнутраныя адпраўленні простай пісьмовай карэспандэнцыі (прымаюцца без выдачы квітанцыі і ўручаюцца (дастаўляюцца) адрасатам без распіскі) з сэрвісам "назіранне", якія апрацоўваюцца ў прыярытэтным парадку і перасылаюцца хутчэй, чым звычайная пошта.

Для паскоранага сартавання такія адпраўленні перасылаюцца ў спецыяльных канвертах з акантоўкай чырвонага колеру і надпісам "1 клас".

Гранічныя тэрміны перасылкі і дастаўкі адпраўленняў "1клас":

  • Д+1 — паміж г. Мінскам, абласнымі (раённымі) цэнтрамі краіны;
  • Д+2 — паміж астатнімі населенымі пунктамі.

Вага адпраўленняў "1 клас" (пісьмовыя паведамленні, дакументы і інш.) не павінна перавышаць 2 кг.

Перавагі:

  • прыярытэт на ўсіх этапах праходжання;
  • скарочаныя тэрміны перасылкі;
  • магчымасць адсачыць дату дастаўкі адпраўлення на сайце РУП "Белпошта" ў раздзеле "Назіранне за паштовымі адпраўленнямі";
  • даступныя цэны.

Адпраўленні "1 клас" — гэта аптымальнае спалучэнне тэрмінаў і кошту перасылкі.